Acunga Natal qui nôs já sunhá

José dos Santos Ferreira
Hotel Lisboa (Ala Nova) 2º andar
MACAU (Sul da China)

Para M.A. com...

Pa tudo gente di bô vontádi
qui têm Macau na coraçám

"Más unga Natal já chegá
Co luz di esperánça lumiado!
Alma cristám ánsia olá
Jesus na pisépio sagrado.

Jesus, nôsso Rê, têm ali,
Pronto pa alegrá coraçám.
Quim divera crê, lô pedí
Graça pa achá salvaçam.

Natal sã image di amôr,
Sã hino di paz, alegria,
Pa gente co grándi fervôr,
Tê fé na Jesus co Maria.

Vôs têm fé? Vôs têm humildádi?
Têm vontádi di emendá?
Masqui sã somente bondádi,
Jesus certo lô querê olá!



Óleo de E.A.












Paz pa nôs Jesus vêm trazê
Co tudo amôr na coraçám.
Ele sabe qui lô sofrê
Pramor di nôs têm salvaçam.