POÉMA DI MACAU de José dos Santos Ferreira *

 * editado pelo Leal Senado de Macau (1983)
                   


                          I

Pa vôs, Macau quirido, pequinino,
Nésga di chan pa Dios abençoado,
Macau cristám, qui força di destino
Já bota na caminho alumiado;
Pa vôs, iou pensá vêm co devoçám,
Rabiscá unga poéma di amôr,
Enfeitado co vôs na coraçám,
Pa têm mercê di bênça di Sinhôr.


                       II

Tera qui nôsso Rê chomá lial,
Sômente unga: sã vós, bunitéza,
Filo di coraçám di Portugal,
Alma puro inchido di belèza.
Iou querê vêm contá co sentimento,
Vôsso estória pa mundo uvi!
- Qui di pêna fino? Qui di talento?
Ai, qui saíám Camões nom-têm aqui!